Twyll a Throseddau Seiber.

Twyll diweddaru ffôn symudol. 

Mae troseddwyr yn cysylltu â dioddefwyr gan honni eu bod yn gweithio i’w darparwr ffôn symudol ac yn cynnig dêl wych ar ddiweddariad. Mae’r troseddwr yn defnyddio eu gwybodaeth bersonol i wneud cais am gytundeb ffôn symudol newydd, ond yn anfon y set law anghywir yn fwriadol. Pan mae’r dioddefydd yn derbyn y set law anghywir, mae’r troseddwyr yn dweud bod problem gyda’r archeb a bydd angen iddo anfon y ffôn i gyfeiriad neu byddant yn trefnu bod cludwr yn dod i gasglu’r parsel. Mae’r casgliadau gan gludwyr yn cael eu trefnu gan y troseddwyr ac nid yw’r cyfeiriad ar gyfer dychwelyd yn gysylltiedig â’r darparwr ffôn symudol. Mae dioddefwyr yn anfon y ffonau/caniatáu iddynt gael eu casglu heb wirio’r mater gyda’r darparwr yn uniongyrchol.

Hac Argos.

Rydyn ni wedi derbyn nifer o adroddiadau am drafodion sydd heb eu hawdurdodi ar gyfrifon Argos pobl. Ymddengys bod Argos wedi’i hacio ac mae troseddwyr yn cael mynediad anghyfreithlon i gyfrifon pobl ac yn cyflwyno archebion i’r cyfrif. Rydyn ni’n annog pobl i newid eu cyfrineiriau, gan sicrhau eu bod yn defnyddio cyfrineiriau cryf ac unigryw, a gwylio rhag ymdrechion gwe-rwydo – peidiwch ag ymddiried yn unrhyw ddolenni. 

Dynwared yr Heddlu. 

Mae’r Heddlu lleol wedi derbyn nifer o adroddiadau gan aelodau o’r cyhoedd yn dweud bod pobl sy’n honni eu bod yn gweithio i’r Heddlu lleol wedi cysylltu â nhw yn gofyn am nawdd gan fusnesau bach ar gyfer cylchlythyr. Mae rhai’n ymwneud â chylchlythyrau am ffermio lleol, diogelwch ar-lein wedi’i anelu at blant a phobl ifainc ac ati.